Programi i edukimit dhe arsimit të mesëm të ultë dhe të lartë në përmbajtjen e tij mbështetet në:

• Bazën e  mirëfilltë shkencore, si për nga ndërtimi i përmbajtjeve lëndore dhe organizimi i realizimit të tyre me qasje metodologjike të avancuara për mësimdhënie e efektive për shtjellimin e tyre, ashtu dhe për nga parashtrimi i rezultateve të të nxënit me mjete, metoda, teknika dhe instrumente të vlerësimit;
• Kultivimin e qëndrimit pozitiv ndaj të nxënit, inkurajimit të nxënësve për angazhim në mënyrë të arsyeshme për përmbushjen e kërkesave shkollore, zhvillimit të shkathtësive në jetën e përditshme, të vlerave, qëndrimeve dhe sjelljeve;
• Mundësimin e zhvillimit intelektual, estetik, fizik, shoqëror, etik dhe shpirtëror të nxënësve;
• Orientimin e drejtë profesional dhe në përputhshmëri me realizimin e interesave të tyre profesionale për plotësimin e aspiratave nëpërmjet nxënies;
• Konsolidimin e diturive dhe ngritjen e tyre, orientimin e prirjeve dhe të aftësive e shkathtësive në ndërtimin e të ardhmes së tyre;
• Mundësimin e nxënësve për shfrytëzimin e burimeve për sigurimin dhe përpunimin e informacioneve dhe për zhvillimin e një qasjeje kritike ndaj informacioneve dhe fakteve që u ofrohen;
• Mundësimin e nxënësve që në mënyrë të pavarur të marrin iniciativa dhe veprime, gjithnjë duke pasur parasysh rregullat themelore të sjelljes në grup;
• Përgatitjen dhe orientimin e nxënësve me prirje dhe talent për profesionin, duke përfillur dhe interesimet dhe nevojat e tyre për zhvillim akademik dhe profesional dhe për tregun e punës.