Pse të zgjedhni shkollat tona?

Të nderuar prindër,

Tanimë është koha për përzgjedhjen e shkollës ku do të nis apo vazhdojë shkollimin fëmija i Juaj.
Arsimimi i fëmijëve është sa detyrim po aq dhe nevojë, dhe ambicje dhe kënaqësi për kapërthim dijesh, madje deri në majat. Kolegji “Aga Xhite” në Ferizaj dhe Njësia e tij – kolegji “Universum” në Prishtinë  gjatë punës disavjeçare, kanë arritur të marrin epitetin e tempujve të dijes, edukimit dhe të prosperitetit.

Ju premtojmë se fëmija i Juaj në kolegjet tona do të gjejë shkollën që dëshirojmë – një vatër të ngrohtë, një familje të dytë, një ambient miqësor, ku ofrohet mësimdhënie cilësore, ku merren dituri, ato që dëshirohen, dhe edukatë për t’u formësuar si qytetarë të lirë dhe të denjë të Republikës së Kosovës.

Kolegjet “Aga Xhite” dhe “Universum” kanë mësues e mësimdhënës të përzgjedhur e të certifikuar,  pedagogë entuziastë, të cilët e kanë në zemër profesionin e shenjët për të mbëltuar edukatë dhe dije te fëmijët, te nxënësit me pasione dhe interesa të ndryshme, për t’u rritur në hap me kohën e internetit .

Në kolegjet tona , në procesin edukativ-arsimor që zhvillohet në kuadër të tyre, mbizotëron një frymë e re , ajo e trendëve bashkëkohorë. Ne po ecim bashkë me kohën dhe kjo është vlera jonë në arsimimin e brezave të rinj.

Urojmë të kemi një bashkëpunim në të ardhmen!

Drejtori Ekzekutiv Zahir Doda, per Aga Xhite dhe Shyqeri Obërtinca per Universum.